Blythe be ilkane!
John 1: 1-12, Lorimer
In the beginnin o aa thing, the Wurd was there ense.
The Wurd bade wi God, an the Wurd wis God. He wis wi God i the beginnin; an aa things cam tae be throu Him, and wiout him, no ae thing cam tae be. Aa thing at hes cam tae be, He wis the licht in it, an that licht wis the life o man; and ey the licht shines in the mirk, an the mirk dowsna slocken it nane.
There cam a man, sent frae God, an his name wis John. He cam for a witness, tae beir witness tae the licht, at aa men micht win tae faith throu him. He wisna the licht himsel; he cam tae beir witness tae the Licht. The true Licht, at enlichtens ilka man, wis even than comin intil the warld.
He wis in the warld, an the warld hed cam tae be throu Him, but the warld miskent Him. He cam tae the place at belanged Him, an them at belanged Him walcomed-Him-na.
But tae aa sic as walcomed Him, He gave the pouer tae becam childer o God: e'en tae them at pits faith in His name, an wis born, no o bluid, or carnal desire, or the will o man, but o God.
